har shab-e-gham ki sahar ho ye zaruri hai magar — Habeeb Hashmi

sarhad-e-dasht se aabaadi ko jaane vaalo
shahar mein aur bhi khun-rez nazaare honge

shab ki tanhaai mein ubhri hui aavaaz-e-jaras
subh-gaai kaa gajar ho ye zaruri to nahin

na main khasta-haal hotaa na ye ajnabi se lagte
ye hasin hasin farishte mujhe aadmi se lagte

safar ki aakhiri manzil mein paas aayaa hai
tamaam umr thaa jo duur aasmaan ki tarah

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

zaraa si baat thi arz-e-tamannaa par bigaD baiThe
vo meri umr bhar ki daastaan-e-dard kyaa sunte

khudaa ki den hai jis ko nasib ho jaae
har ek dil ko gham-e-jaavedaan nahin miltaa