maut se pahle jahaan mein chand saanson kaa azaab — Haider Qureshi

darakhton par parinde lauT aanaa chaahte hain
khizaan-rut kaa guzar jaanaa zaruri ho gayaa hai

vasl ki shab thi aur ujaale kar rakkhe the
jism o jaan sab us ke havaale kar rakkhe the

paani mein bhi chaand sitaare ug aate hain
aankh se dil tak vo zarkhezi ho jaati hai

chaand ban kar chamakne vaale ne
mujh ko suraj-misaal kar Daalaa

dil ko to bahut pahle se dhaDkaa saa lagaa thaa
paanaa tiraa shaayad tujhe khone ke liye hai

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

zindagi mein kasak zaruri thi
ye khalaa pur tiri kami se huaa

zindagi ai zindagi!! aa do ghaDi mil kar rahein
tujh se meraa umr-bhar kaa to koi jhagDaa na thaa

ye main thaa yaa mire andar kaa khauf thaa jis ne
tamaam umar di tanhaai ki sazaa mujh ko