chaand ban kar chamakne vaale ne — Haider Qureshi

vasl ki shab thi aur ujaale kar rakkhe the
jism o jaan sab us ke havaale kar rakkhe the

maut se pahle jahaan mein chand saanson kaa azaab
zindagi jo qarz teraa thaa adaa kar aae hain

darakhton par parinde lauT aanaa chaahte hain
khizaan-rut kaa guzar jaanaa zaruri ho gayaa hai

paani mein bhi chaand sitaare ug aate hain
aankh se dil tak vo zarkhezi ho jaati hai

dil ko to bahut pahle se dhaDkaa saa lagaa thaa
paanaa tiraa shaayad tujhe khone ke liye hai

vo chaand hai to aks bhi paani mein aaegaa
kirdaar khud ubhar ke kahaani mein aaegaa

baarish ke baa'd raat saDak aaina si thi
ik paanv paaniyon pe paDaa chaand hil gayaa

bachchon ke chhoTe haathon ko chaand sitaare chhune do
chaar kitaabein paDh kar ye bhi ham jaise ho jaaeinge

chaand ne taan li hai chaadar-e-abr
ab vo kapDe badal rahi hogi

chhat pe aai ho aaj barson baad
dekh kar chaand Dar na jaae kahin

charaag chaand shafaq shaam phuul jhiil sabaa
churaain sab ne hi kuchh kuchh shabaahatein teri