paani mein bhi chaand sitaare ug aate hain — Haider Qureshi

vasl ki shab thi aur ujaale kar rakkhe the
jism o jaan sab us ke havaale kar rakkhe the

maut se pahle jahaan mein chand saanson kaa azaab
zindagi jo qarz teraa thaa adaa kar aae hain

darakhton par parinde lauT aanaa chaahte hain
khizaan-rut kaa guzar jaanaa zaruri ho gayaa hai

chaand ban kar chamakne vaale ne
mujh ko suraj-misaal kar Daalaa

dil ko to bahut pahle se dhaDkaa saa lagaa thaa
paanaa tiraa shaayad tujhe khone ke liye hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

letaa huun maktab-e-gham-e-dil mein sabaq hanuz
lekin yahi ki raft gayaa aur buud thaa

dil mein miri vahshat ne par jitne nikaale the
main ne unhein bal de kar zanjir banaai hai

samajh mein aaegi tafsir-e-zindagi kyaa khaak
ki harf-e-shauq hai ijmaal be-dili tafsil

main savaa sher ke kuchh aur samajhtaa hi nahin
dam-ba-dam hai yahi diin o dil o imaan meraa