gulon se nahin shaakh ke dil se puchho — Hairat Gondvi

gharibi amiri hai qismat kaa saudaa
milo aadmi ki tarah aadmi se

mujhe ai rahnumaa ab chhoD tanhaa
main khud ko aazmaanaa chaahtaa huun

kuchh miri be-qaraariyaan kuchh miri naa-tavaaniyaan
kuchh tiri rahmaton kaa hai haath mire gunaah mein

husn hai kaafir banaane ke liye
ishq hai imaan laane ke liye

rah rah ke kaundti hain andhere mein bijliyaan
tum yaad kar rahe ho ki yaad aa rahe ho tum

hans hans ke apnaa daaman-e-rangin diyaa mujhe
aur main ne taar taar kiyaa haae kyaa kiyaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kisi ki yaad manaane mein iid guzregi
so shahr-e-dil mein bahut duur tak udaasi hai

dil par pahan liyaa hai vo gajre ke jaisaa shakhs
lekin gale kaa haar nahin kar rahaa huun main

hijr ki shab naala-e-dil vo sadaa dene lage
sunne vaale raat kaTne ki duaa dene lage

botalein khol kar to pi barson
aaj dil khol kar bhi pi jaae