husn hai kaafir banaane ke liye — Hairat Gondvi

gharibi amiri hai qismat kaa saudaa
milo aadmi ki tarah aadmi se

mujhe ai rahnumaa ab chhoD tanhaa
main khud ko aazmaanaa chaahtaa huun

kuchh miri be-qaraariyaan kuchh miri naa-tavaaniyaan
kuchh tiri rahmaton kaa hai haath mire gunaah mein

rah rah ke kaundti hain andhere mein bijliyaan
tum yaad kar rahe ho ki yaad aa rahe ho tum

gulon se nahin shaakh ke dil se puchho
ki ye bad-numaa khaar kitnaa hasin hai

hans hans ke apnaa daaman-e-rangin diyaa mujhe
aur main ne taar taar kiyaa haae kyaa kiyaa

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

mohabbat ne 'maail' kiyaa har kisi ko
kisi par kisi ko kisi par kisi ko