qadmon pe Dar ke rakh diyaa sar taaki uTh na jaaein — Habeeb Moosavi

dil mein bhari hai khaak mein milne ki aarzu
khaakistari huaa hai hamaari qabaa kaa rang

zabaan par tiraa naam jab aa gayaa
to girte ko dekhaa sambhalte hue

taalib-e-bosa huun main qaasid vo hain khvaahaan-e-jaan
ye zaraa si baat hai milte hi tai ho jaaegi

asal saabit hai vahi shara kaa ik parda hai
daane tasbih ke sab phirte hain zunnaaron par

naaseh ye vaaz-o-pand hai bekaar jaaegaa
ham se bhi baada-kash hain kahin paarsaa hue

bahut dinon mein vo aae hain vasl ki shab hai
moazzin aaj na yaarab uThe azaan ke liye

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ghaDi ghaDi na idhar dekhiye ki dil pe mujhe
hai ikhtiyaar par itnaa bhi ikhtiyaar nahin

main badalte hue haalaat mein Dhal jaataa huun
dekhne vaale adaakaar samajhte hain mujhe

bhaunron ko gulistaan mein kaliyon ne hain di datein
kyaa meri taraf ye dil attract nahin hogaa

na jhaTko zulf se paani ye moti TuuT jaaeinge
tumhaaraa kuchh na bigDegaa magar dil TuuT jaaeinge