kisi ne mol na puchhaa dil-e-shikasta kaa — Haidar Ali Aatish

ye aarzu thi tujhe gul ke ru-ba-ru karte
ham aur bulbul-e-betaab guftugu karte

uTh gai hain saamne se kaisi kaisi suratein
roiye kis ke liye kis kis kaa maatam kijiye

ajab teri hai ai mahbub surat
nazar se gir gae sab khubsurat

us gul-badan ki bu-e-badan kuchh na puchhiye
band-e-qabaa jo khol diye ghar mahak gayaa

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

main us gulshan kaa bulbul huun bahaar aane nahin paati
ki sayyaad aan kar meraa gulistaan mol lete hain

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

bahut tezaab phailaa hai gali-kuchon mein nafrat kaa
mohabbat phir bhi apne kaam se baahar nikalti hai

tumhein ye 'ishq bichhaD kar samajh mein aaegaa
charaagh bujhte hain tab jaa ke raat khulti hai

jaada-e-raah-e-mohabbat ki daraazi mat puchh
manzil-e-shauq kaa har zarra bayaabaan niklaa

ab is se baDh ke mohabbat kisi ko kyaa degi
kisi ki aankh kaa aansu kisi ki aankh mein hai