shab biiti chaand bhi Duub chalaa ab paanv dabaanaa band karo — Hammad Hasan

saas aa jaae to kyuun ghar se chipak jaati hai
ye muamma hai samajhne kaa na samjhaane kaa

yahaan ham baiTh kar chaae ke ik cup ko taraste hain
vahaan sab le ke biscuit cake ke ambaar baiThe hain

apni shokhi se na baaz aae tum ab bhi 'hammaad'
shaikh se puchh liyaa raasta mai-khaane kaa

naukar huun daamaad nahin huun kartaa huun ghar ke sab kaam
thakan se haal kharaab hai meraa piilaa ho gayaa maan kaa laal

is ki har ek baat main chupke se maan letaa huun
jis ko ho jaan o dil aziiz us ke khilaaf jaae kyuun

biivi ki zabaan-daraazi se jhunjhlaate ho ghabraate ho
jab shaadi kar hi baiThe ho to phir ab shor machaanaa kyaa

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

maah-e-nau dekhne tum chhat pe na jaanaa hargiz
shahr mein eid ki taarikh badal jaaegi

dil ek sadiyon puraanaa udaas mandir hai
umiid tarsaa huaa pyaar dev-daasi kaa

be-bulaae hue jaanaa mujhe manzur nahin
un kaa vo taur nahin meraa ye dastur nahin

kis tarah milein koi bahaanaa nahin miltaa
ham jaa nahin sakte unhein aanaa nahin miltaa