apni shokhi se na baaz aae tum ab bhi 'hammaad' — Hammad Hasan

saas aa jaae to kyuun ghar se chipak jaati hai
ye muamma hai samajhne kaa na samjhaane kaa

yahaan ham baiTh kar chaae ke ik cup ko taraste hain
vahaan sab le ke biscuit cake ke ambaar baiThe hain

naukar huun daamaad nahin huun kartaa huun ghar ke sab kaam
thakan se haal kharaab hai meraa piilaa ho gayaa maan kaa laal

shab biiti chaand bhi Duub chalaa ab paanv dabaanaa band karo
uTTho jaldi aaTaa gundho tumhein naashta nahin banaanaa kyaa

is ki har ek baat main chupke se maan letaa huun
jis ko ho jaan o dil aziiz us ke khilaaf jaae kyuun

biivi ki zabaan-daraazi se jhunjhlaate ho ghabraate ho
jab shaadi kar hi baiThe ho to phir ab shor machaanaa kyaa

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa