biivi ki zabaan-daraazi se jhunjhlaate ho ghabraate ho — Hammad Hasan

saas aa jaae to kyuun ghar se chipak jaati hai
ye muamma hai samajhne kaa na samjhaane kaa

yahaan ham baiTh kar chaae ke ik cup ko taraste hain
vahaan sab le ke biscuit cake ke ambaar baiThe hain

apni shokhi se na baaz aae tum ab bhi 'hammaad'
shaikh se puchh liyaa raasta mai-khaane kaa

naukar huun daamaad nahin huun kartaa huun ghar ke sab kaam
thakan se haal kharaab hai meraa piilaa ho gayaa maan kaa laal

shab biiti chaand bhi Duub chalaa ab paanv dabaanaa band karo
uTTho jaldi aaTaa gundho tumhein naashta nahin banaanaa kyaa

is ki har ek baat main chupke se maan letaa huun
jis ko ho jaan o dil aziiz us ke khilaaf jaae kyuun

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

'shaahid'-saahib kahlaate hain mister bhi maulaanaa bhi
hazrat do kirdaaron vaale heraa-pheri karte hain

main ne har takhrib mein dekhi hai ik taamir bhi
meraa miT jaanaa bhi hai himmat-fazaa mere liye

agar kuchh roz zinda rah ke mar jaanaa muqaddar hai
to is duniyaa mein aakhir baais-e-takhliq-e-jaan kyaa thaa