saas aa jaae to kyuun ghar se chipak jaati hai — Hammad Hasan

yahaan ham baiTh kar chaae ke ik cup ko taraste hain
vahaan sab le ke biscuit cake ke ambaar baiThe hain

apni shokhi se na baaz aae tum ab bhi 'hammaad'
shaikh se puchh liyaa raasta mai-khaane kaa

naukar huun daamaad nahin huun kartaa huun ghar ke sab kaam
thakan se haal kharaab hai meraa piilaa ho gayaa maan kaa laal

shab biiti chaand bhi Duub chalaa ab paanv dabaanaa band karo
uTTho jaldi aaTaa gundho tumhein naashta nahin banaanaa kyaa

is ki har ek baat main chupke se maan letaa huun
jis ko ho jaan o dil aziiz us ke khilaaf jaae kyuun

biivi ki zabaan-daraazi se jhunjhlaate ho ghabraate ho
jab shaadi kar hi baiThe ho to phir ab shor machaanaa kyaa

main baDaa ho gayaa huun magar bachpanaa
mere dil se kabhi bhi gayaa hi nahin

ye jo chupke se aae baiThe hain
laakh fitne uThaae baiThe hain

saliqa bolne kaa ho to bolo
nahin to chup bhali hai lab na kholo

miri fitrat mein bachpan hi se zid hai is liye ab bhi
charaaghon ko havaa ke saamne maddham nahin kartaa

main khushbuon ke zikr pe khaamosh hi rahaa
haalaanki ek phuul mire haafize mein thaa

shajar ke qatl mein is kaa bhi haath hai shaayad
bataa rahaa hai ye baad-e-sabaa kaa chup rahnaa