ye us ke pyaar ki baatein faqat qisse puraane hain — Hasan Rizvi

na vo iqraar kartaa hai na vo inkaar kartaa hai
hamein phir bhi gumaan hai vo hamin se pyaar kartaa hai

kabhi kitaabon mein phuul rakhnaa kabhi darakhton pe naam likhnaa
hamein bhi hai yaad aaj tak vo nazar se harf-e-salaam likhnaa

thaa jo ek lamha visaal kaa vo riyaaz thaa kai saal kaa
vahi ek pal mein guzar gayaa jise umr guzri pukaarte

ab us se baDh ke bhalaa mo'tabar kahein kis ko
zamaana us kaa hai maazi-o-haal us ke hain

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

kaamyaabi ki duaaein mujhe dene vaale
main tire ishq mein naakaam huaa jaataa huun

adaavaton mein jo khalq-e-khudaa lagi hui hai
mohabbaton ko koi bad-duaa lagi hui hai

ai mohabbat mujh ko aisaa hausla khairaat kar
us ko baazu se pakaD kar kah sakun ki baat kar

dimaagh ahl-e-mohabbat kaa saath detaa nahin
use kaho ki vo dil ke kahe mein aa jaae