na mere paas tasalli na us ke paas aansu — Haseebul Hasan

hamaare aansu kisi Thikaane to lag rahe hain
furaat ke bad-nasib paani kaa kyaa banegaa

tumhaari aankhon pe nazm kahne se pahle ham ne bhigoi aankhein
sunaa huaa thaa zamin nam ho to achchhi hoti hai kaasht-kaari

ham aise log zaaea ho rahe hain
khudaa chup-chaap dekhe jaa rahaa hai

us ke meaar par khudaa laae
us nazar tak to aa gae hain ham

sitaare dekhne vaale hamein bataate hain
hamaare honT tumhaari jabin ko tarseinge

ye saath gaanv mein ek chhoTaa saa kaam hai bas
miri udaasi udaas mat ho main aa rahaa huun

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

jal thal kaa khvaab thaa ki kinaare Dubo gayaa
tanhaa kanval bhi jhiil se baahar nikal paDaa

is Dar se rok rakkhe hain aansu 'said' ne
aanchal na bhiig jaae kisi gul-jabin kaa