ku-e-qaatil mein basegi nai duniyaa ik aur — Hatim Ali Mehr

ai buton allaah se li hai ijaazat vasl ki
kal hazaaron dekh Daale istikhaare raat ko

hai ye purab ki zabaan-daani 'mehr'
kahte hain baat ko ham suntaa huun

kaabe mein ham ko dair kaa har dam khayaal thaa
allaah jaantaa hai buton kaa rahaa lihaaz

dar-ba-dar maaraa-phiraa main justuju-e-yaar mein
zaahid-e-kaaba huaa rahbaan-e-but-khaana huaa

ye hind hai ai 'mehr' yahaan puuj buton ko
kyuun barahman-e-dair-o-kalisaa nahin honaa

gul baang thi gulon ki hamaaraa taraana thaa
apnaa bhi is chaman mein kabhi aashiyaana thaa

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

dil ko khayaal-e-yaar ne makhmur kar diyaa
saaghar ko rang-e-baada ne pur-nur kar diyaa

ajiib dard saa us lamha-e-visaal mein thaa
ki zakhm se bhi baDaa karb indimaal mein thaa

apnaa ghar shahr-e-khamoshaan saa hai
kaun aaegaa yahaan shaam Dhale

naazuki khatm hai un par to ye farmaate hain
farsh-e-makhmal pe mire paaon chhile jaate hain