lai na TuuTe zindagi ke saaz ki — Hayat Amrohvi

aashiq ki bhi hasti hai duniyaa mein ajab hasti
zinda hai to rusvaa hai mar jaae to afsaana

zabt-e-gham vufur-e-shauq aur dil-e-naa-subur-e-ishq
mujh ko to hai ghurur-e-ishq aap ko naaz ho na ho

chheDiye saaz-e-zindagi naghma-navaaz ho na ho
aah to kar ke dekhiye soz mein saaz ho na ho

zindagi kaa saaz bhi kyaa saaz hai
baj rahaa hai aur be-aavaaz hai

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

maazi-e-marhum ki naakaamiyon kaa zikr chhoD
zindagi ki fursat-e-baaqi se koi kaam le

tamaam umr yahaan kis kaa intizaar huaa hai
tamaam umr miraa kaun intizaar karegaa

jin ke baghair lagti thi be-kaar zindagi
un se hi baat karne ki hasrat nahin rahi