chheDiye saaz-e-zindagi naghma-navaaz ho na ho — Hayat Amrohvi

aashiq ki bhi hasti hai duniyaa mein ajab hasti
zinda hai to rusvaa hai mar jaae to afsaana

lai na TuuTe zindagi ke saaz ki
zindagi aavaaz hi aavaaz hai

zabt-e-gham vufur-e-shauq aur dil-e-naa-subur-e-ishq
mujh ko to hai ghurur-e-ishq aap ko naaz ho na ho

zindagi kaa saaz bhi kyaa saaz hai
baj rahaa hai aur be-aavaaz hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

ye saal tul-e-masaafat se chuur chuur gayaa
ye ek saal to guzraa hai ik sadi ki tarah

kisi ki yaad manaane mein iid guzregi
so shahr-e-dil mein bahut duur tak udaasi hai