shaam hote hi tere hijr kaa dukh — Iftikhar Haidar

miir ke kuchh ashaar milaa kar raashid ki kuchh nazmon mein
vahshat ki aamezish kar ke ik uslub banaanaa hai

siiTi ki aavaaz suni aur saaraa maazi lauT aayaa
pas-manzar mein rail nahin hai puuraa ek afsaana hai

jitni fursat hai zindagi mein nasib
utni fursat mein main se tu ho jaa

tire baghair guzaaraa nahin kisi surat
use ye baat bataane se baat bigDi hai

apne lahje pe ghaur kar ke bataa
lafz kitne hain tiir kitne hain

bijli gai to vo bhi hamaare makaan ki
bijli giri to vo bhi hamaare makaan par

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

'saif' andaaz-e-bayaan rang badal detaa hai
varna duniyaa mein koi baat nai baat nahin

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

badalte vaqt ne badle mizaaj bhi kaise
tiri adaa bhi gai meraa baankpan bhi gayaa