kaTi hai umr kisi aabdoz kashti mein — Iftikhar Naseem

us ke chehre ki chamak ke saamne saada lagaa
aasmaan pe chaand puuraa thaa magar aadhaa lagaa

agarche phuul ye apne liye kharide hain
koi jo puchhe to kah dungaa us ne bheje hain

is qadar bhi to na jazbaat pe qaabu rakkho
thak gae ho to mire kaandhe pe baazu rakkho

hazaar talkh hon yaadein magar vo jab bhi mile
zabaan pe achchhe dinon kaa hi zaaiqa rakhnaa

taaq par juzdaan mein lipTi duaaein rah gaiin
chal diye beTe safar par ghar mein maaein rah gaiin

mujh se nafrat hai agar us ko to izhaar kare
kab main kahtaa huun mujhe pyaar hi kartaa jaae

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

ham dil fidaa karein ki tasadduq-e-jigar karein
jo bhi kahein huzur vahi umr bhar karein

buland aavaaz se ghaDiyaal kahtaa hai ki ai ghaafil
kaTi ye bhi ghaDi tujh umr se aur tu nahin chetaa

ai khudaa aasudgi kaa ek lamha mere naam
umr guzri hai miri khadshaat ki dahliz par