kisi ki baat koi bad-gumaan na samjhegaa — Imam Azam

sankaT ke din the to saae bhi mujh se katraate the
sukh ke din aae to dekho duniyaa mere saath hui

har taraf ik jang kaa maahaul hai 'aazam' yahaan
aadmi ab ghar ke bhi andar salaamat hai kahaan

duniyaa ki ik riit puraani, milnaa aur bichhaDnaa hai
ek zamaana biit gayaa hai tum kab milne aaoge

teri khushbu se moattar hai zamaana saaraa
kaise mumkin hai vo khushbu bhi gulaabon mein mile

gesu o rukhsaar ki baatein karein
aao mil kar pyaar ki baatein karein

un ke rukhsat kaa vo lamha mujhe yuun lagtaa hai
vaqt naaraaz huaa din bhi Dhalaa ho jaise

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

dard ho to davaa kare koi
maut hi ho to kyaa kare koi

laazim thaa ki dekho miraa rastaa koi din aur
tanhaa gae kyuun ab raho tanhaa koi din aur