mushkil kaa saamnaa ho to himmat na haariye — Imdad Imam Asar

gulshan mein kaun bulbul-e-naalaan ko de panaah
gulchin o baaghbaan bhi hain sayyaad ki taraf

kaisaa aanaa kaisaa jaanaa mere ghar kyaa aaoge
ghairon ke ghar jaane se tum fursat kis din paate ho

kartaa hai ai 'asar' dil-e-khun-gashta kaa gila
aashiq vo kyaa ki khasta-e-tegh-e-jafaa na ho

saath duniyaa kaa nahin taalib-e-duniyaa dete
apne kutton ko ye murdaar liye phirti hai

aaina dekh ke farmaate hain
kis ghazab ki hai javaani meri

dil ki haalat se khabar deti hai
'asar' aashufta-bayaani meri

savaal karne ke hausle se javaab dene ke faisle tak
jo vaqfa-e-sabr aa gayaa thaa usi ki lazzat mein aa basaa huun

harf saare bol uTThein jab bhi main likhne lagun
ab koi jazba miraa mahv-e-duaa lagtaa nahin

ye soch kar tiri mahfil se ham chale aae
ki ek baar to baDh jaae hausla dil kaa

zaraa dariyaa ki tah tak to pahunch jaane ki himmat kar
to phir ai Dubne vaale kinaaraa hi kinaaraa hai

main ne har takhrib mein dekhi hai ik taamir bhi
meraa miT jaanaa bhi hai himmat-fazaa mere liye

tamaam umr azaabon kaa silsila to rahaa
ye kam nahin hamein jiine kaa hausla to rahaa