niind kyaa hai zaraa si der ki maut — Jagan Nath Azad

DhunDhne par bhi na miltaa thaa mujhe apnaa vajud
main talaash-e-dost mein yuun be-nishaan thaa dosto

allaah re be-khudi ki tire ghar ke aas-paas
har dar pe di sadaa tire dar ke khayaal mein

ibtidaa ye thi ki main thaa aur daavaa ilm kaa
intihaa ye hai ki is daave pe sharmaayaa bahut

sukun-e-dil jahaan-e-besh-o-kam mein DhunDne vaale
yahaan har chiiz milti hai sukun-e-dil nahin miltaa

tiri duuri kaa mujh ko gham nahin hai
ki furqat mein bhi lazzat kam nahin hai

main dil mein un ki yaad ke tufaan ko paal kar
laayaa huun ek mauj-e-taghazzul nikaal kar

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

umr hi teri guzar jaaegi un ke hal mein
teraa bachcha jo savaalaat liye baiThaa hai

bas ek pal ki tamannaa-e-vasl ki khaatir
tamaam 'umr lagaa di gai sanvarne mein