allaah re be-khudi ki tire ghar ke aas-paas — Jagan Nath Azad

main dil mein un ki yaad ke tufaan ko paal kar
laayaa huun ek mauj-e-taghazzul nikaal kar

DhunDhne par bhi na miltaa thaa mujhe apnaa vajud
main talaash-e-dost mein yuun be-nishaan thaa dosto

ibtidaa ye thi ki main thaa aur daavaa ilm kaa
intihaa ye hai ki is daave pe sharmaayaa bahut

sukun-e-dil jahaan-e-besh-o-kam mein DhunDne vaale
yahaan har chiiz milti hai sukun-e-dil nahin miltaa

tiri duuri kaa mujh ko gham nahin hai
ki furqat mein bhi lazzat kam nahin hai

niind kyaa hai zaraa si der ki maut
maut kyaa kyaa hai tamaam umr ki niind

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ik aur khet pakki saDak ne nigal liyaa
ik aur gaanv shahar ki vusat mein kho gayaa

jaan dene ke sivaa aur bhi tadbir karun
varna ye baat to ham us se sadaa kahte hain

kal laD gayaa ki aur pe aashiq hai tu 'asad'
aayaa hai jab vo yaan to ik ilzaam de gayaa