raasta sochte rahne se kidhar bantaa hai — Jaleel 'Aali'

dil pe kuchh aur guzarti hai magar kyaa kiije
lafz kuchh aur hi izhaar kiye jaate hain

barg bhar baar mohabbat kaa uThaayaa kab thaa
tum ne siine mein koi dard basaayaa kab thaa

ham ki hain naqsh sar-e-reg-e-ravaank kyaa jaane
kab koi mauj-e-havaa apnaa nishaan le jaae

tumhaaraa kyaa tumhein aasaan bahut raste badalnaa hai
hamein har ek mausam qaafile ke saath chalnaa hai

jaan khapaate hain gham-e-ishq mein khush khush 'aali'
kaisi lazzat kaa ye aazaar banaayaa huaa hai

raasta aage bhi le jaataa nahin
lauT kar jaanaa bhi mushkil ho gayaa

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

'momin-miyaan' ye kaam nahin hai ye ishq hai
kyaa soch mein paDe ho karun yaa karun nahin

jis bhi fankaar kaa shahkaar ho tum
us ne sadiyon tumhein sochaa hogaa

himmat vaale pal mein badal dete hain duniyaa ko
sochne vaalaa dil to baiThaa sochaa kartaa hai

fitrat kaa ye sitam bhi hai 'daanish' ajiib chiiz
sar kaise kaise kaisi kulaahon mein rakh diye