tanhaai mili mujh ko zarurat se ziyaada — Jamal Owaisi

gurez-paa hai nayaa raasta kidhar jaaein
chalo ki lauT ke ham apne apne ghar jaaein

maut bar-haq hai ek din lekin
niind raaton ko khuub aati hai

jo maang rahe ho vo mire bas mein nahin hai
darkhvaast tumhaari hai zarurat se ziyaada

ghar ke sab darvaaze kyuun divaar hue hain
ghar se baahar duniyaa saari chikh rahi hai

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ye aansu ponchh lijiye aur muskuraaiye
chaara nahin hai koi bhi rukhsat kiye baghair

meri chaadar to chhini thi shaam ki tanhaai mein
be-ridaai ko miri phir de gayaa tashhir kaun

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

yakka ulaT ke rah gayaa ghoDaa bhaDak gayaa
kaali saDak pe chaand saa chehra chamak gayaa