jo maang rahe ho vo mire bas mein nahin hai — Jamal Owaisi

gurez-paa hai nayaa raasta kidhar jaaein
chalo ki lauT ke ham apne apne ghar jaaein

maut bar-haq hai ek din lekin
niind raaton ko khuub aati hai

tanhaai mili mujh ko zarurat se ziyaada
paDhti hain kitaabein mujhe vahshat se ziyaada

ghar ke sab darvaaze kyuun divaar hue hain
ghar se baahar duniyaa saari chikh rahi hai

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

main kisi janm ki yaadon pe paDaa parda huun
koi ik lamhe ko ik dam se uThaataa hai mujhe

dil ko dil se raah hai to jis tarah se ham tujhe
yaad karte hain kare yuun hi hamein bhi yaad tu

raat teri yaadon ne dil ko is tarah chheDaa
jaise koi chuTki le narm narm gaalon mein

di qasam vasl mein us but ko khudaa ki to kahaa
tujh ko aataa hai khudaa yaad hamaare hote