baDaa ajiib hai tahzib-e-irteqaa ke liye — Jamil Nazar

dekhiye to hai kaarvaan varna
har musaafir safar mein tanhaa hai

apne baare mein jab bhi sochaa hai
us kaa chehra nazar mein ubhraa hai

be-vafaa hi sahi zamaane mein
ham kisi fan ki intihaa to hue

na qurb-e-zaat hi haasil na zakhm-e-rusvaai
ajiib lagtaa hai ab khud se raabta rakhnaa

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

tujh ko ho mere lams ki khvaahish shadid-tar
tujh se tamaam 'umr miraa saamnaa na ho

tamaam umr tiri ham-rahi kaa shauq rahaa
magar ye ranj ki main mauja-e-sabaa na huaa

hijr ke daur mein har daur ko shaamil kar lein
is mein shaamil yahi ik umr-e-gurezaan kyuun hai