be-vafaa hi sahi zamaane mein — Jamil Nazar

dekhiye to hai kaarvaan varna
har musaafir safar mein tanhaa hai

apne baare mein jab bhi sochaa hai
us kaa chehra nazar mein ubhraa hai

na qurb-e-zaat hi haasil na zakhm-e-rusvaai
ajiib lagtaa hai ab khud se raabta rakhnaa

baDaa ajiib hai tahzib-e-irteqaa ke liye
tamaam umr kisi ik ko ham-navaa rakhnaa

sab se baDaa fareb hai khud zindagi 'adaa'
is hila-ju ke saath hain ham bhi bahaana-saaz

kisi kaa yuun to huaa kaun umr bhar phir bhi
ye husn o ishq to dhokaa hai sab magar phir bhi

baDe vasuq se duniyaa fareb deti rahi
baDe khulus se ham e'tibaar karte rahe

baa-vafaa thaa to mujhe puchhne vaale bhi na the
be-vafaa huun to huaa naam bhi ghar ghar meraa

ho hari shaakh-e-tamannaa yaa na ho
sinch denaa chashm-e-tar kaa kaam hai

balaa se kuchh ho ham 'ehsaan' apni khu na chhoDeinge
hamesha be-vafaaon se mileinge baa-vafaa ho kar