fursat-e-kaar faqat chaar ghaDi hai yaaro — Jan Nisar Akhtar

ye ilm kaa saudaa ye risaale ye kitaabein
ik shakhs ki yaadon ko bhulaane ke liye hain

ashaar mire yuun to zamaane ke liye hain
kuchh sher faqat un ko sunaane ke liye hain

zulfein siina naaf kamar
ek nadi mein kitne bhanvar

dil ko har lamha bachaate rahe jazbaat se ham
itne majbur rahe hain kabhi haalaat se ham

ishq mein kyaa nuqsaan nafa hai ham ko kyaa samjhaate ho
ham ne saari umr hi yaaro dil kaa kaarobaar kiyaa

itne maayus to haalaat nahin
log kis vaaste ghabraae hain

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

de gayaa khuub sazaa mujh ko koi kar ke muaaf
sar jhukaa aise ki taa-umr uThaayaa na gayaa

ghazal us ne chheDi mujhe saaz denaa
zaraa umr-e-rafta ko aavaaz denaa

paighaam zindagi ne diyaa maut kaa mujhe
marne ke intizaar mein jiinaa paDaa mujhe