jab lagein zakhm to qaatil ko duaa di jaae — Jan Nisar Akhtar

ye ilm kaa saudaa ye risaale ye kitaabein
ik shakhs ki yaadon ko bhulaane ke liye hain

ashaar mire yuun to zamaane ke liye hain
kuchh sher faqat un ko sunaane ke liye hain

zulfein siina naaf kamar
ek nadi mein kitne bhanvar

dil ko har lamha bachaate rahe jazbaat se ham
itne majbur rahe hain kabhi haalaat se ham

ishq mein kyaa nuqsaan nafa hai ham ko kyaa samjhaate ho
ham ne saari umr hi yaaro dil kaa kaarobaar kiyaa

itne maayus to haalaat nahin
log kis vaaste ghabraae hain

kyaa milaa arz-e-muddaaa se 'figaar'
baat kahne se aur baat gai

ajiib kashmakash hai kaise harf-e-muddaaa kahun
vo puchhte hain haal-e-dil main sochtaa huun kyaa kahun

shaaeri pahle rasulon ki duaa thi 'qaisar'
aaj is ahd mein ik shoabda-e-zaat hui

hai duaa yaad magar harf-e-duaa yaad nahin
mere naghmaat ko andaaz-e-navaa yaad nahin

raah kaa shajar huun main aur ik musaafir tu
de koi duaa mujh ko le koi duaa mujh se

kabhi kabhi to sunaa hai hilaa diye hain mahal
hamaare aise gharibon ki iltijaaon ne