kabhi jo khvaab thaa vo paa liyaa hai — Javed Akhtar

agar palak pe hai moti to ye nahin kaafi
hunar bhi chaahiye alfaaz mein pirone kaa

yahi haalaat ibtidaa se rahe
log ham se khafaa khafaa se rahe

hai paash paash magar phir bhi muskuraataa hai
vo chehra jaise ho TuuTe hue khilaune kaa

tab ham donon vaqt churaa kar laate the
ab milte hain jab bhi fursat hoti hai

main paa sakaa na kabhi is khalish se chhuTkaaraa
vo mujh se jiit bhi saktaa thaa jaane kyuun haaraa

isi jagah isi din to huaa thaa ye elaan
andhere haar gae zindabaad hindostaan

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

naara-e-daar-o-rasan haadisa-e-kaun-o-makaan
khufta-jaanon ke liye khvaab-e-giraan hai ki nahin

TuuT kar ruuh mein shishon ki tarah chubhte hain
phir bhi har aadmi khvaabon kaa tamannaai hai

sunaa hai khvaab mukammal kabhi nahin hote
sunaa hai ishq khataa hai so kar ke dekhte hain

aankhon mein khvaab chubhan sone nahin deti hai
ek muddat se hamein tu ne jagaa rakkhaa hai