nahin aisaa bhi ki yaksar nahin rahne vaalaa — Jawad Sheikh

apni taaid pe khud aql bhi hairaan hui
dil ne aise mire khvaabon ki himaayat ki hai

kar kuchh aisaa ki tujhe yaad rakhun
bhuul jaane kaa taqaazaa hi sahi

main is khayaal se jaate hue use na milaa
ki rok lein na kahin saamne khaDe aansu

apne saamaan ko baandhe hue is soch mein huun
jo kahin ke nahin rahte vo kahaan jaate hain

kyaa hai jo ho gayaa huun main thoDaa bahut kharaab
thoDaa bahut kharaab to honaa bhi chaahiye

kaise kisi ki yaad hamein zinda rakhti hai
ek khayaal sahaaraa kaise ho saktaa hai

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

'saif' andaaz-e-bayaan rang badal detaa hai
varna duniyaa mein koi baat nai baat nahin

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

kahte kahte kuchh badal detaa hai kyuun baaton kaa rukh
kyuun khud apne-aap ke bhi saath vo sachchaa nahin