vahaan se hai miri himmat ki ibtidaa vallaah — Josh Malihabadi

had hai apni taraf nahin main bhi
aur un ki taraf khudaai hai

haan aasmaan apni bulandi se hoshiyaar
ab sar uThaa rahe hain kisi aastaan se ham

ik na ik zulmat se jab vaabasta rahnaa hai to 'josh'
zindagi par saaya-e-zulf-e-pareshaan kyuun na ho

ham aise ahl-e-nazar ko subut-e-haq ke liye
agar rasul na hote to subh kaafi thi

kaam hai meraa taghayyur naam hai meraa shabaab
meraa naara inqilaab o inqilaab o inqilaab

naqsh-e-khayaal dil se miTaayaa nahin hanuz
be-dard main ne tujh ko bhulaayaa nahin hanuz

ye kis maqaam pe tanhaai saunpte ho mujhe
ki ab to tark-e-tamannaa kaa hausla bhi nahin

himmat kahaan se laaun ki taa'bir kar sakun
kal raat khvaab dekh rahaa thaa ki khush huun main

vaqt khush khush kaaTne kaa mashvara dete hue
ro paDaa vo aap mujh ko hausla dete hue

koi shikva koi gila de de
mujh ko jiine kaa hausla de de

ham numu paate rahe hain apni himmat se ‘sho’aib’
pattharon mein ugne vaale aur kitne sabz hon

ye kachche seb chabaane mein itne sahal nahin
hamaaraa sabr na karnaa bhi ek himmat hai