ham numu paate rahe hain apni himmat se ‘sho’aib’ — Shoaib Kiani

marte rahnaa miraa har roz yuun thoDaa thoDaa
qatl hai jis ko main saabit nahin kar paaungaa

main akelaa rah gayaa to main ne kuchh rishte banaae
main ne kuchh rishte banaae main akelaa rah gayaa

kuchh masala to tere jahaan mein zarur hai
jaan lag gai hamaari magar ji lagaa nahin

un se khudaa ko chhin ke badle mein kuchh to do
vo jin ke paas kuchh bhi khudaa ke sivaa nahin

ulTaa mujh ko hi uThaa leinge uThaane vaale
laapata pyaaron ke baare mein agar puchhungaa

piiri mein shauq hausla-farsaa nahin rahaa
vo dil nahin rahaa vo zamaana nahin rahaa

aaine par koi tohmat na dharo
khaal-o-khad apne sanvaaro saahab

abhi mujh mein bahut himmat hai lekin
kisi haare hue lashkar mein huun main

tumhein paane ki haisiyyat nahin hai
magar khone ki bhi himmat nahin hai

mire hijr ke faisle se Daro tum
main khud mein ajab hausla dekhti huun

jazba-e-ishq chaahiye suufi
jo hai afsurda ahl-e-haal nahin