haan aasmaan apni bulandi se hoshiyaar — Josh Malihabadi

had hai apni taraf nahin main bhi
aur un ki taraf khudaai hai

vahaan se hai miri himmat ki ibtidaa vallaah
jo intihaa hai tire sabr aazmaane ki

ik na ik zulmat se jab vaabasta rahnaa hai to 'josh'
zindagi par saaya-e-zulf-e-pareshaan kyuun na ho

ham aise ahl-e-nazar ko subut-e-haq ke liye
agar rasul na hote to subh kaafi thi

kaam hai meraa taghayyur naam hai meraa shabaab
meraa naara inqilaab o inqilaab o inqilaab

naqsh-e-khayaal dil se miTaayaa nahin hanuz
be-dard main ne tujh ko bhulaayaa nahin hanuz

jab ki pahlu se yaar uThtaa hai
dard be-ikhtiyaar uThtaa hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

koi mausam meri ummidon ko raas aayaa nahin
fasl andhiyaaron ki kaaTi aur diye boti rahi

saudaa-e-ishq aur hai vahshat kuchh aur shai
majnun kaa koi dost fasaana-nigaar thaa

urdu hai jis kaa naam hamin jaante hain 'daagh'
hindostaan mein dhuum hamaari zabaan ki hai

vo zamaanaa bhi tumhein yaad hai tum kahte the
dost duniyaa mein nahin 'daagh' se behtar apnaa