khaae so pachhtaae aur pachhtaae vo bhi jo na khaae — Jurat Qalandar Bakhsh

Thahri thi ghizaa apni jo gham ishq-e-butaan mein
so aah hamaari hamein khuraak ne khaayaa

puchho na kuchh sabab mire haal-e-tabaah kaa
ulfat kaa ye samar hai natija hai chaah kaa

ik bosa maangtaa huun main khairaat-e-husn ki
do maal ki zakaat ki daulat ziyaada ho

allaah-re bhulaapaa munh dho ke khud vo bole
sungho to ho gayaa ye paani gulaab kyunkar

jab talak ham na chaahte the tujhe
tab tak aisaa tiraa jamaal na thaa

shaagird-e-rashid aap saa huun shaikh-ji saahib
kuchh ilm o amal tum ne na shaitaan mein chhoDaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

guzar rahi hai jo dil par vahi haqiqat hai
gham-e-jahaan kaa fasaana gham-e-hayaat se puchh

dil pe ik gham ki ghaTaa chhaai hui thi kab se
aaj un se jo mile TuuT ke barsaat hui

kisi se sarguzisht-e-gham bayaan kartaa huun jab apni
kahaani vo saraasar aap ki maalum hoti hai