pahle us ko yaad kiyaa hai — Jyoti Azad Khatri

saamne aae binaa us se mukhaatab rahnaa
ek jaadu hai jo aataa hai mujhe sirf mujhe

kabhi dariyaa kabhi sahraa banaayaa
kisi ke ishq ne kyaa kyaa banaayaa

jis ke chehre pe main marti huun sitam to ye hai
us ki tasvir hi album mein mire saath nahin

us se baatein to bahut karni thiin par soch liyaa
us ki har baat pe kahnaa hai koi baat nahin

main saamne huun abhi guftugu karo mujh se
ki baad mein miri tasvir dekhte rahnaa

sach puchho to ham ko hamaari
aankhon ne barbaad kiyaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

sadaaon ke jangal mein vo khaamushi hai
ki main ne har aavaaz teri suni hai

tum itnaa jo muskuraa rahe ho
kyaa gham hai jis ko chhupaa rahe ho

gham-e-'aashiqi tiri khair ho miri kaaenaat sanvaar di
jise radd kiyaa thaa dimaagh ne vahi baat dil mein utaar di