sadaaon ke jangal mein vo khaamushi hai — Alimullah Hali

ek aavaaz ne toDi hai khamoshi meri
DhunDhtaa huun to pas-e-saahil-e-shab kuchh bhi nahin

bikhar ke chhuT na jaaun tiri giraft se main
sambhaal kar mujhe ai mauj-e-khush-adaa le jaa

koi patthar kaa nishaan rakh ke judaa hon ham tum
jaane ye peD kis aandhi mein ukhaD jaaegaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

nuqta-e-injimaad ko pahunchaa
mausam-e-hijr dard-e-tanhaai

mere gham mujh se ye puchhaa karte hain
ghar mein pankhaa hai to rassi bhi hogi

gham bik rahe the mele mein khushiyon ke naam par
maayus ho ke lauTe hain har ik dukaan se ham