rahne ko sadaa dahr mein aataa nahin koi — Kaifi Azmi

peD ke kaaTne vaalon ko ye maalum to thaa
jism jal jaaeinge jab sar pe na saaya hogaa

gar Dubnaa hi apnaa muqaddar hai to suno
Dubeinge ham zarur magar naakhudaa ke saath

ghurbat ki ThanDi chhaanv mein yaad aai us ki dhuup
qadr-e-vatan hui hamein tark-e-vatan ke baad

ik khvaab khushi kaa dekhaa nahin dekhaa jo kabhi to bhuul gae
maangaa huaa tum kuchh de na sake jo tum ne diyaa vo sahne do

divaarein to har taraf khaDi hain
kyaa ho gae mehrbaan saae

dil ki naazuk ragein TuTti hain
yaad itnaa bhi koi na aae

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

bagulaa jin ke sar par chatr-e-shaahi hai zamin masnad
vahi aqlim-e-gham mein aah ki naubat bajaate hain

jis kuun tujh gham siin dil-shigaafi hai
marham-e-vasl is kuun shaafi hai

baahar gali mein chalte hue log thak gae
tanhaaiyon kaa shor thaa khaali makaan mein