ham ne iraada tark-e-tamannaa kaa jab kiyaa — Kaifi Bilgrami

ik ik qadam pe rakkhi hai yuun zindagi ki laaj
gham kaa bhi ehtiraam kiyaa hai khushi ke saath

har qadam par rah-e-mohabbat mein
zindagi kaa savaal aataa hai

mujhe chaak-e-garebaan par hansi aai to hai lekin
mire hansne pe un ki aankh bhari aai to kyaa hogaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

pyaar karne vaalon kaa sirf ek sahraa hai
saare shahr us ke hain saari bastiyaan us ki

tu apne saath saath mein parda-nashin ko bhi
rusvaa karegaa ai dil-e-khaana-kharaab kyaa

mohabbat, hijr, nafrat mil chuki hai
main taqriban mukammal ho chukaa huun

zarur us kaa koi pyaas se maraa hogaa
vo kitne pyaar se paani pilaa rahaa thaa hamein