har qadam par rah-e-mohabbat mein — Kaifi Bilgrami

ham ne iraada tark-e-tamannaa kaa jab kiyaa
teraa khayaal ai dil-e-naakaam aa gayaa

ik ik qadam pe rakkhi hai yuun zindagi ki laaj
gham kaa bhi ehtiraam kiyaa hai khushi ke saath

mujhe chaak-e-garebaan par hansi aai to hai lekin
mire hansne pe un ki aankh bhari aai to kyaa hogaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

pichhaa kisi tarah ye miraa chhoDtaa nahin
haathon se ishq ke koi jaave kahaan nikal

aatish-e-ishq vo jahannam hai
jis mein firdaus ke nazaare hain

mohabbat ne 'maail' kiyaa har kisi ko
kisi par kisi ko kisi par kisi ko