vo ab kyaa khaak aae haae qismat mein tarasnaa thaa — Kaifi Hyderabadi

aur bhi to hain zamaane mein tumhaare aashiq
ek main hi tumhein kyaa qaabil-e-ilzaam milaa

vahi nazar mein hai lekin nazar nahin aataa
samajh rahaa huun samajh mein magar nahin aataa

mazaa hai tire bismilon ko taDap mein
taDap mein nahin bismilon mein mazaa hai

raqib donon jahaan mein zalil kyuun hotaa
kisi ke biich mein kam-bakht agar nahin aataa

mohabbat mein kyaa kyaa na kuchh jaur hogaa
abhi kyaa huaa hai abhi aur hogaa

apnaa khat aap diyaa un ko magar ye kah kar
khat to pahchaaniye ye khat mujhe gumnaam milaa

pyaaso raho na dasht mein baarish ke muntazir
maaro zamin pe paanv ki paani nikal paDe

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

aae kuchh abr kuchh sharaab aae
is ke baa'd aae jo azaab aae

jab jab tum ko yaad karein ham
tab tab baarish ho jaati hai

dil mein jab se dekhtaa hai vo tiri tasvir ko
nuur barsaataa hai apni chashm-e-tar se aaftaab

ham se puchho mizaaj baarish kaa
ham jo kachche makaan vaale hain