mohabbat mein kyaa kyaa na kuchh jaur hogaa — Kaifi Hyderabadi

mazaa hai tire bismilon ko taDap mein
taDap mein nahin bismilon mein mazaa hai

aur bhi to hain zamaane mein tumhaare aashiq
ek main hi tumhein kyaa qaabil-e-ilzaam milaa

raqib donon jahaan mein zalil kyuun hotaa
kisi ke biich mein kam-bakht agar nahin aataa

vo ab kyaa khaak aae haae qismat mein tarasnaa thaa
tujhe ai abr-e-rahmat aaj hi itnaa barasnaa thaa

apnaa khat aap diyaa un ko magar ye kah kar
khat to pahchaaniye ye khat mujhe gumnaam milaa

kham subu saaghar suraahi jaam paimaana miraa
mere saaqi jab miraa tu hai to mai-khaana miraa

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

sabhi se jab mohabbat chaahte ho
mohabbat kyon nahin karte sabhi se

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

dil-e-haris hi apnaa na ho sakaa qaane
vagarna tere karam mein to kuchh kami na rahi

sau fasaad ek ishq mein uTThe
boyaa ik tukhm uge hazaar darakht