rishta-e-dard ki miraas mili hai ham ko — Kailash Mahir

tum bhi is shahr mein ban jaaoge patthar jaise
hansne vaalaa yahaan koi hai na rone vaalaa

jaane kyaa soch ke ham tujh se vafaa karte hain
qarz hai pichhle janm kaa so adaa karte hain

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

yuun to ashkon se bhi hotaa hai alam kaa izhaar
haae vo gham jo tabassum se ayaan hotaa hai

bhigi miTTi ki mahak pyaas baDhaa deti hai
dard barsaat ki bundon mein basaa kartaa hai

khuub jiine kaa mazaa paate hain ham
khun-e-dil piite hain gham khaate hain ham