chaalis jaam pi ke diyaa ek jaam-e-mai — Kalb

ik baat par qaraar unhein raat-bhar nahin
do do pahar jo haan hai to do do pahar nahin

agar un ko puujaa to kyaa kufr hogaa
ki but bhi khudaa ke banaae hue hain

is qadar mahv na hon aap khud-aaraai mein
daagh lag jaae na aaina-e-yaktaai mein

tiri taarif ho ai sahib-e-ausaaf kyaa mumkin
zabaanon se dahaanon se takallum se bayaanon se

na khanjar uThegaa na talvaar in se
ye baazu mire aazmaae hue hain

phir na baaqi rahe ghubaar kabhi
holi khelo jo khaaksaaron mein

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yuun to maujud apne ghar mein hai
aadmi mustaqil safar mein hai

safar mein aise kai marhale bhi aate hain
har ek moD pe kuchh log chhuT jaate hain

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa