puuraa kareinge holi mein kyaa vaada-e-visaal — Kalb

chaalis jaam pi ke diyaa ek jaam-e-mai
saaqi ne khuub raah nikaali zakaat ki

ik baat par qaraar unhein raat-bhar nahin
do do pahar jo haan hai to do do pahar nahin

agar un ko puujaa to kyaa kufr hogaa
ki but bhi khudaa ke banaae hue hain

is qadar mahv na hon aap khud-aaraai mein
daagh lag jaae na aaina-e-yaktaai mein

tiri taarif ho ai sahib-e-ausaaf kyaa mumkin
zabaanon se dahaanon se takallum se bayaanon se

phir na baaqi rahe ghubaar kabhi
holi khelo jo khaaksaaron mein

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

dil par dastak dene kaun aa niklaa hai
kis ki aahaT suntaa huun viraane mein

dil lagaao to lagaao dil se dil
dil-lagi hi dil-lagi achchhi nahin

dil ko khudaa ki yaad tale bhi dabaa chukaa
kam-bakht phir bhi chain na paae to kyaa karun