lab-e-khirad se yahi baar baar niklegaa — Kalidas Gupta Raza

azal se taa-ba-abad ek hi kahaani hai
isi se ham ko nai daastaan banaani hai

ham na maaneinge khamoshi hai tamannaa kaa mizaaj
haan bhari bazm mein vo bol na paai hogi

saamnaa aaj anaa se hogaa
baat rakhni hai to sar de denaa

ab koi DhunD-DhaanD ke laao nayaa vajud
insaan to bulandi-e-insaan se ghaT gayaa

duniyaa to sidhi hai lekin duniyaa vaale
jhuTi sachchi kah ke use bahkaate honge

zamaana husn nazaakat balaa jafaa shokhi
simaT ke aa gae sab aap ki adaaon mein

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

Tapak ke dida-e-nam se sadaaein detaa hai
jo ek harf-e-tamannaa dil-e-tabaah mein thaa

bichhDaa kuchh is adaa se ki rut hi badal gai
ik shakhs saare shahr ko viraan kar gayaa

aankh kis lafz pe bhar aai hai
kaun si baat pe dil TuuTaa hai

idhar udhar ke sunaae hazaar afsaane
dilon ki baat sunaane kaa hausla na huaa