idhar udhar ke sunaae hazaar afsaane — Khalida Uzma

ki mire baa'd qatl se tauba
aakhiri tiir thaa kamaan mein kyaa

chale aate hain be-mausam ki baarish ki tarah aansu
basaa-auqaat rone kaa sabab kuchh bhi nahin hotaa

ziist aur maut kaa aakhir ye fasaana kyaa hai
umr kyuun hasb-e-zarurat nahin di jaa sakti

basi hai sukhe gulaabon ki baat saanson mein
koi khayaal kisi yaad ke hisaar mein hai

haqiqatein to aTal hain badal nahin saktin
magar kisi ki tasalli se hausla huaa hai

vo tapish hai ki jal uThe saae
dhuup rakkhi thi saaebaan mein kyaa

ayaan the jazba-e-dil aur bayaan the saare khayaal
koi bhi parda na thaa jab ke the hijaab mein ham

jin hauslon se meraa junun mutmain na thaa
vo hausle zamaane ke meyaar ho gae

haalaat chaahe jo bhi hon dil to baDaa rakho
ye vaqt kaT hi jaaegaa tum hausla rakho

koi shikva koi gila de de
mujh ko jiine kaa hausla de de

ajab junun hai ye intiqaam kaa jazba
shikast khaa ke vo paani mein zahr Daal aayaa

ye kachche seb chabaane mein itne sahal nahin
hamaaraa sabr na karnaa bhi ek himmat hai