kuchh aisi bhi dil ki baatein hoti hain — Kashif Husain Ghair

na ham vahshat mein apne ghar se nikle
na sahraa apni viraani se niklaa

bane hain kaam sab uljhan se mere
yahi atvaar hain bachpan se mere

zindagi mein kasak zaruri thi
ye khalaa pur tiri kami se huaa

haal puchhaa na kare haath milaayaa na kare
main isi dhuup mein khush huun koi saaya na kare

kyaa chaahti hai ham se hamaari ye zindagi
kyaa qarz hai jo ham se adaa ho nahin rahaa

mere andar kaa shor hai mujh mein
varna baahar to khaamushi hai yahaan

sunaa thaa main ne ki fitrat khalaa ki dushman hai
so vo badan miri tanhaaiyon ko paaT gayaa

apnaa ye charaagh-e-dil maddham hi sahi lekin
duniyaa ke andheron se tanhaa hi ye laDtaa hai

tasadduq is karam ke main kabhi tanhaa nahin rahtaa
ki jis din tum nahin aate tumhaari yaad aati hai

tanhaa vo aaein jaaein ye hai shaan ke khilaaf
aanaa hayaa ke saath hai jaanaa adaa ke saath

koi kyaa jaane ki hai roz-e-qayaamat kyaa chiiz
dusraa naam hai meri shab-e-tanhaai kaa

banaaun kis ko shab-e-gham anis-e-tanhaai
ki saath hai miri taqdir vo bhi khvaab mein hai