chalo maanaa ki khvaabon mein miloge — Kazim Rizvi

teri tarah zabaan ke kuchh tez ham bhi hain
par masala ye hai ki adab jaante hain ham

pahle honaa thaa aaina dil ko
aur phir chur-chur honaa thaa

us ke siyaah nain ki jaa kar nazar utaar
maare hasad ke chuur huiin surma-daaniyaan

shaayad vo is binaa pe hamein bakhsh de ki ham
kaafir bane rahe pa munaafiq nahin hue

log meri ghazlon mein tum ko DhunD lete hain
she'r-o-shaa'iri kab hai daastaan tumhaari hai

mashhur ho chuki hai kisi ke labon ki baat
akhbaar-e-dil-baraan ki sabhi surkhiyaan paDho

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

ham ne maanaa ik na ik din lauT ke tu aa jaaegaa
lekin tujh bin umr jo guzri kaun use lauTaaegaa

paDosi piTte hain jab dariche aur darvaaze
main Thumri chheD detaa huun taraanaa chhoD detaa huun

main ghar ko phunk rahaa thaa baDe yaqin ke saath
ki teri raah mein pahlaa qadam uThaanaa thaa

pahaaD bhaanp rahaa thaa mire iraade ko
vo is liye bhi ki tesha mujhe uThaanaa thaa